တော်တော်များများကို data/number တွေနှင့်ကြည်တက်တဲ့အကျင့်တခုရှိဖို့ အရေးကြီးတယ်ဆိုတာကို အထင်နှင့် အမြင် ဆိုတဲ့ခေါင်းစဥ်နှင့် ပြန်လည်ဝေမျှလိုက်ပါတယ်။

Programmer/Software Engineer စကာစ လူငယ်တွေက တခုခုဆိုထင်တိုင်းလုပ်တက်ကြတယ်။ ကျနော်အလုပ်စလုပ်ကာစတုန်းကလဲ ကိုယ်တိုင်လဲ အဲ့လိုထဲပါတယ်ပြောလို့ရတယ်။ ဘယ်လိုအထင်နှင့် လုပ်တာလဲဆိုရင် ထားပါတော့ ရုံးမှာ Marketing Campaing တခုရှိတယ်ဆိုရင် အဲ့ campaing ကပေါက်ရင် traffic အများကြီးလာမှာ။ ဘယ်လောက်များမှာလဲတော့မသိဘူး။ ကိုယ့်အထင်နဲ့ကိုယ် 100K users တွေလာတယ်ဆိုရင် Load Balancer နောက်မှာ EC2 20 လောက်နဲ့မှ အဆင်ပြေမယ်ထင်တယ်ဆိုပီးတော့ EC20 လောက်တခါထဲဖွင့်ပီး auto scale တွေဘာတွေထည့်တာပေါ့။ ဒါကအထင်နှင့်လုပ်တာ။

အထင်နှင့်လုပ်တော့ဘာဖြစ်လဲ မသေချာဘူး။ တကယ့် result နှင့် similar တောင်ဖြစ်ချင်မှဖြစ်တယ်။ ကျနော်တို့ဥပမာမှာဆို မလိုအပ်ဘဲပိုက်ဆံကုန်မယ်။ ပြဿနာက ကိုယ်ထင်တဲ့စီမှာဖြစ်ချင်မှဖြစ်မယ်။ အထင်နှင့်လုပ်တာဖြစ်တဲ့အတွက် မသေချာဘူး။

အတွေ့အကြုံတွေများလာတဲ့အချိန်မှာ အမြင်နှင့်လုပ်ဖို့ပိုပီးစဥ်းစားတွေးတောတက်လာတယ်။ အလုပ်ကသင်တာတွေလဲပါတာပေါ့။ ကိုယ်နှင့်အလုပ်လုပ်တဲ့အထဲမှာ အတွေ့အကြုံတွေအများကြီးရှိတဲ့သူတွေစီကရတဲ့အကြုံတွေပေါ့။ အမြင်ကဘာလဲဆို အထက်ကဥပမာနှင့်ဘဲဆက်သွားကြည့်မယ်ဆို အမြင်သမားက Campaing နှင့်သတ်ဆိုင်တဲ့သူတွေစီက ဘယ်လောက် traffic လောက်မှန်းထားလဲမေးမယ်။ ပီးရင် EC2 တလုံးကို user ဘယ်နှယောက်လောက် access လုပ်လို့ရမလဲ load testing တွေဘာတွေ စစ်မယ်။ အကုန်လုံးကိုသူက လက်တွေ့ကျကျတိုင်းတာ တွက်ချက်တာမျိုးပေါ့။ Data/Number သမားလို့လဲပြောလို့ရမယ်။

Data/Number တွေကို decision ချတဲ့နေရာမှာ သေချာစမ်းစစ်ပီးသုံးနိုင်ရင် ခုနက ကျနော်တို့အထင်နှင့်လုပ်တာတွေလိုမဟုတ်ဘဲ load test စစ်သင့်တာ load test စစ် အဲ့ကရလာတဲ့ result ပေါ်မူတည်ပီးမှခန့်မှန်းခြေတွက်။ ဒါဆိုတော့ပိုပီးသေချာသွားတယ်။ အထင်ထက်အများကြီးသာတယ်။

ဒီလောက်ဆိုရင် အထင်နှင့်အမြင်ကို သေချာနားလည်လောက်ပါပီ။ အထက်မှာပြောခဲ့တဲ့ဟာတွေက ကျနော်တို့ယေဘူယျအားဖြင့် developer တွေကြုံရတာတွေကိုပြောပြထားတာ။ တကယ့်တကယ့် လက်တွေ့အလုပ်မှာ သို့ တခြား decision တွေချတဲ့အခါမှာလဲ ဒီ data/number တွေပေါ် base လုပ်တဲ့ decision တွေချနိုင်အောင်ကြိုးစားရပါ့မယ်။